|
Përplasen katër vetura, dy të lënduar
Ibrahimovic ia plotëson dëshirën e fundit djaloshit që po vdes - See more at: http://fishmedia.info/sport/ibrahimovic-ia-ploteson-deshiren-e-fundit-djaloshit-qe-po-vdes/#sthash.aQs6qv5Q.dpuf
Sulmuesi me prejardhje boshnjake, Zlatan Ibrahimovic, ka pranuar që t’ia plotësojë dëshirën e fundit djaloshit boshnjak, Hajrudin Kamenjas, i cili është i sëmurë me leukemi, dhe doktorët i kanë dhënë vetëm edhe një muaj jetë. Kamenjasi, ditë më parë kishte thënë se dëshira e tij e fundit në këtë botë është që ta takojë sulmuesin e PSG-së, Zlatan Ibrahimovic. Nëna e tij Amela Kamenjas u ka thënë gazetave suedeze së dëshiron që tani djali i saj të vdes në shtëpi, mirëpo jo para se t’ia plotësojë ëndrrën për ta takuar Ibrahimovicin. Ajo ka rrëfyer se djali i saj e thërret atë “Ibrakadabra”, dhe në internet gjithmonë shikon për lajmet e fundit për të, transmeton Zëri. Ngjarja e Hajrudinit ka zënë vend nëpër gazetat më prestigjioze, në Bosnje, Kroaci, Francë, Itali dhe Suedi ndërsa dëshira e tij e fundit më në fund ka arritur edhe te Ibra përmes organizatës humanitare, “Light of Tomorrow”. Ibra shënoi dy gola me PSG-në, në Ligën e Kampionëve ndërsa zbulohet se menjëherë pas ndeshjes ai ka fluturuar për në Sarajevë, për ta vizituar Hajrudinin. -
Shtëpia e re e Lionel Messit, si në përralla
Lionel Messi është duke e ndërtuar një rezidencë spektakolare, e projektuar nga vet ai së bashku me një arkitekt dhe tashmë ajo quhet ‘shtëpia e futbollit. Siç informon portali ciudad.com.ar, ylli argjentinas e do një shtëpi shumë më luksoze dhe ekskluzive, në krahasim me shtëpinë e tij. Ai dëshiron që djalit të tij Thiago dhe të dashurës Antonella Roccuzzo, t’ua plotësojë çdo nevojë, me rezidencën që do ta ndërtojë në lagjen luksoze Pedralbes. Messi dëshiron që të vendoset përfundimisht me familjen e tij në Spanjë dhe për këtë shtëpi është konsultuar me arkitektin spanjoll Luis de Garrido, për një shtëpi të përshtatshme. Luis de Garrido është arkitekti i njëjtë që e kishte projektuar shtëpinë e supermodeles Naomi Campbell.
“Kemi përgatitur projekte për personalitetet tjera, ndërsa tash e njohëm dëshirën e Lionel dhe pas disa ideve të shtruara në tavolinë, vendosëm për një shtëpi ideale për të”, ka thënë arkitekti spanjoll në një intervistë për televizionin argjentinas. “Unë mendoj se jam zgjedhur sepse arkitektura ime është shumë simbolike. Entuziazmi qëndron sepse shtëpia është identifikuar me personalitetin e tij”, vazhdoi Garrido. Nëse shikohet nga larg, shtëpia e re e Messit duket si një stadium futbolli me një sipërfaqë drejtkëndëshe, një qendër historike dykatëshe me rrethore, që i ngjan një topi në mes të fushës. Vërtetë një rezidencë përrallore për yllin argjentinas./
Januzajt dhe familjes së tij nuk i intereson fanella kuq e zi
Talenti shqiptar i Manchester Unitedit, Adnan Januzaj duket se ka vendosur të mos e vesh fanellën e Kombëtares së Shqipërisë në futboll.
Për 18 vjeçarin me pasaporte belge, i cili po shkëlqen tek “Djajtë e Kuq” tash e sa kohë flitet për vendimin se pjesë e cilës përfaqësues do të jetë.
Për 18 vjeçarin me pasaporte belge, i cili po shkëlqen tek “Djajtë e Kuq” tash e sa kohë flitet për vendimin se pjesë e cilës përfaqësues do të jetë.
Shqipëria dhe Belgjika janë kombëtaret që vazhdimisht e thërrasin mesfushorin kosovar, por ky i fundit akoma nuk ka vendosur se cilën kombëtare do ta përfaqësojë.
Sipas sekretari të përgjithshëm të Federatës Shqiptare të Futbollit (FSHF), Ilir Shulkut, ka pak gjasa që Januzaj të vesh fanellën kuq e zi. Shulku ka zbuluar një prapaskenë interesante sa u përket negociatave me talentin kosovar të Manchester Unitedit.
“Ka pak shanse që Januzaj të luajë me Shqipërinë në të ardhmen. Ai e ka derën të hapur në çdo moment. Por, duke marrë shkak nga mënyra se si kanë ecur bisedimet deri tani, duhet të jemi realistë për situatën. Gjatë një bisede që kemi pasur me babanë e lojtarit tetë muaj më parë, nuk ka kurrfarë interesimi nga ana e Januzajt dhe e familja e tij që lojtari të luajë me Shqipërinë”, ka thënë Shulku për “Ora News”.
Zyrtari i lartë i Federatës Shqiptare të Futbollit ka deklaruar se tetë muaj më parë është zhvilluar një takim mes Dukës, De Biasit dhe babait të Januzajt, porse ky i fundit ka qenë i prerë.
“Tetë muaj më parë jemi takuar personalisht me babanë e futbollistit. Normalisht që duhet të vepronim kështu, sepse Januzaj nuk i kishte mbushur 18 vjeç dhe duhej të zbatojmë disa procedura. Biseduam me babanë e tij, por ai tha se nuk kishte asnjë interes nga Januzaj që të luante me Shqipërinë. Nuk mund të them me saktësi se cila është dëshira e lojtarit, por ama familja e tij na e bëri të qartë qëndrimin. Prej atëherë negociatat kanë qenë të hapura, por nuk ka pasur asnjë zhvillim që të hapë ndonjë rreze shprese se situata mund të ndryshojë”, tha Shulku.
Ai thotë se dera e Kombëtares shqiptare mbetet e hapur për Januzajn, i cili ditë më parë debutoi në Premier Ligën angleze.
“Ne nuk i kemi thënë askujt. Kush e ka merituar ekipin përfaqësues, e ka veshur fanellën kuqezi. Januzaj është një talent i madh dhe ne e mirëpresim atë në të ardhmen, por vendosa ta sqaroj situatën e tij, sepse shoh që mediatikisht gjërat janë koklavitur shumë dhe është krijuar ideja se ai ka zgjedhur Shqipërinë zyrtarisht, por në fakt nuk është kështu”, ka theksuar Shulku.
Duhet cekur se ditë më parë Januzaj ka refuzuar t’i bashkohet ekipeve të grupmoshave të Belgjikës
Subscribe to:
Posts (Atom)